Jónatan mætir með sitt lið á Hafnarfjarðarmótið

Jónatan Magnússon, nýráðinn þjálfari norska liðsins Kristiansund, kemur með sína menn til Íslands um helgina þar sem að liðið tekur þátt í hinu árlega Hafnarfjarðarmóti.

Hafnarfjarðarmótið 2013 verður haldið í Íþróttahúsinu Strandgötu 29. til 31. ágúst en þetta undirbúningsmót fer fram ár hvert og er tveimur liðum boðið til leiks til að keppa við Hafnarfjarðarliðin FH og Hauka.

Gestalið eru að þessu sinni Kristiansund frá Noregi og Valur en Ólafur Stefánsson hefur tekið við þjálfun Hlíðarendaliðsins. Jónatan tók við liði Kristiansund í sumar en Gunnar Magnússon, aðstoðarlandsliðsþjálfari og nýráðinn þjálfari ÍBV, þjálfaði liðið undanfarin ár.

Mótið verður allt í beinni útsendingu á Sporttv.is en leikjadagskráin er eftirfarandi.

Fimmtudagur 29. ágúst 2013

Kl. 18.00   Haukar - Valur

Kl. 20.00   FH - Kristiansund

Föstudagur 30. ágúst 2013

Kl. 18.00   FH - Valur

Kl. 20.00   Haukar - Kristiansund

Laugardagur 31. ágúst 2013

kl. 14.00   Valur - Kristiansund

kl. 16.00   Haukar - FH