Arnar Birkir með ellefu mörk í sigri ÍR-inga

Arnar Birkir Hálfdánsson skoraði 11 mörk í kvöld þegar ÍR vann 30-21 sigur á Þrótti í Reykjavíkurmóti karla í handbolta í kvöld en ÍR-ingar eiga titil að verja.

ÍR-ingar voru 14-11 yfir í hálfleik en leikurinn fór fram í Austurberginu í kvöld.

Arnar Birkir Hálfdánsson er á sínu fyrsta tímabilið með ÍR en hann kom til liðsins í sumar frá FH. Kristinn Björgólfsson er líka kominn aftur í Breiðholtið og skoraði þrjú mörk í kvöld.

ÍR - Þróttur 30-21 (14-11)

Mörk ÍR: Arnar Birkir Hálfdánsson 11, Sturla Ásgeirsson 4, Sigurður Magnússon 4, Björgvin Þór Hólmgeirsson 4, Kristinn Björgólfsson 3, Aron Örn Ægisson 1, Jón Heiðar Gunnarsson 1, Guðni Kristinsson 1, Daníel Ingi Guðmundsson 1.

Mörk Þróttar: Guðni Siemsen 6, Leifur Jóhannesson 3, Leifur Óskarsson 3, Hörður Óskarsson 3, Styrmir Sigurðarson 3, Einar Gauti Ólafsson 2, Birkir Guðbjörnsson 1.