Skreið í úrslitin en landaði gullinu

Brittney Reese frá Bandaríkjunum varð í dag heimsmeistari í langstökki kvenna utanhúss í þriðja skipti með stökki upp á 7,01 metra.

Reese hafði betur í baráttu við Blessing Okagbare sem stökk lengst 6,99 metra. Serbinn Ivana Spanovic varð þriðja með 6,82 metra stökk.

Reese varð aðeins hársbreidd frá því að missa af sæti í úrslitunum í undankeppninni í gær. Ólympíumeistarinn sýndi hins vegar klærnar í dag og vann sigur þótt hann hafi verið með minnsta mun.