Boðið að halda áfram með kvennalandsliðið

Sigurði Ragnari Eyjólfssyni stendur til boða að halda áfram í starfi sem þjálfari íslenska kvennalandsliðsins í knattspyrnu.

Samningur Sigurðar rann út að loknu Evrópumóti kvennalandsliða í Svíþjóð sem fram fór á dögunum. Þar komst íslenska liðið í átta liða úrslitin.

„Stjórn KSÍ ákvað á fundi sínum sl. þriðjudag að bjóða Sigurði Ragnari að halda áfram með liðið. Það er nú í höndum framkvæmdastjóra KSÍ að semja við hann," sagði Geir Þorsteinsson í beinni línu á DV.is í dag.