Fjögur fræknu til Finnlands

Blake Thomas Jakobsson, María Rún Gunnlaugsdóttir, Stefanía Valdimarsdóttir og Sveinbjörg Zophoníasdóttir verða á meðal keppenda á Evrópumeistaramóti 22 ára og yngri í frjálsum íþróttum í Finnlandi næstu daga.

Keppt er í bænum Tampere og ríður Blikamærin Stefanía á vaðið í undanriðlum í 400 metra grindahlaupi á morgun. Síðar um daginn keppir FH-ingurinn Blake í undankeppninni í kringlukasti.

Fjölþrautarkonurnar María Rún úr Ármanni og Sveinbjörg úr FH keppa svo um helgina. Hægt er að fylgjast með mótinu á heimasíðu þess.