Gat ekkert hjá FH en keyptur til Rosenborg

Norðmaðurinn Alexander Söderlund er orðinn leikmaður norska stórliðsins Rosenborg. Söderlund lék eitt sinn með FH.

Söderlund var í herbúðum FH sumarið 2010 en þótti óhemju slakur og var hans ekki beint sárt saknað er hann fór.

Eftir dvölina á Íslandi hefur leið Söderlund heldur betur legið upp á við. Hann lék frábærlega með Haugesund og vann sér sæti í norska landsliðinu.

Bæði meistarar Molde og Rosenborg vildu fá Söderlund en hann fór til Rosenborg fyrir tæpar 130 milljónir króna.

Söderlund samdi til fjögurra og hálfs árs.