ÍBV lagði Hött í Borgunarbikarnum

Eyjastúlkur unnu góðan 4-1 sigur á fyrstu deildar liði Hattar í sextán liða úrslitum Borgunarbikars kvenna í dag.

Shaneka Jodian Gordon kom ÍBV yfir snemma í leiknum en Sigríður Björk Þorláksdóttir jafnaði metin fyrir Hött skömmu seinna.

Eyjastúlkur mættu mun grimmari til leiks í síðari hálfleiknum en þeim tókst að skora þrjú mörk í honum. Þar voru að verki Þórhildur Ólafsdóttir, Shaneka Gordon með sitt annað mark og það var svo Bryndís Hrönn Kristinsdóttir sem gerði endanlega útum leikinn.

Góður sigur ÍBV því staðreynd og er liðið komið áfram í átta liða úrslit bikarkeppninnar.