Birti síðustu orð sonarins

Vill með því vekja fólk til umhugsunar um hve hættulegt er að senda textaskilaboð í akstri.

Foreldrar 22 ára gamals pilts sem dó í bílslysi fyrir stuttu í Colorado í Bandaríkjunum hafa ákveðið að birta mynd af síma hans sem sínir að hin raunverulega ástæða dauða hans er að hann var að skrifa vini sínum textaskilaboð. Það varð til þess að hann missti stjórn á bíl sínum og hann valt nokkra hringi með þessum sorglega afleiðingum.

Með birtingunni vilja foreldrarnir vekja fólk til umhugsunar um hversu hættulegt það getur verið að taka athyglina af akstrinum. Sími piltsins fannst í bílnum og á skjá hans blasti við að hann var í miðri setningu við textaskrif á símanum. Móðir piltsins sagði að hún gæti ekki umborið þá tilhugsun að fleiri láti lífið af slíkum orsökum og því beri henni nánast skilda að sýna umheiminum hver orsök dauða sonar hennar var. Með því gæti hún að forðað sem flestum frá þeim dapurlegu örlögum. Hetjulega gert og þörf áminning til allra ökumanna.