Troða bílana og fara

Flýja með yfirhlaðna bíla sína af framleiðsluvörum frá Kaesong iðnaðarsvæðinu.

Þeim lá mikið á S-Kóreubúunum sem hafa yfirgefið sameiginlega iðnaðarsvæði Norður- og Suður-Kóreu í Kaesong enda hótanirnar úr norði ekki af skemmtilegra taginu. Þeir fóru þó margir ekki tómhentir frá þessu framleiðslugnægtarbúri heldur tróðu margir bíla sína af iðnaðarframleiðslu þeirri sem þar varð til.

Þessar myndir sýna það glögglega og efast má um að meiri farangur hafi mátt flytja í bílunum og eru þeir ansi signir fyrir vikið. Myndirnar benda einnig til þess að þessir starfsmenn gera einfaldlega ekki ráð fyrir að þeir eigi afturkvæmt á þennan vinnustað sinn og spurning hvort hann verði nokkuð til innan tíðar. Þá er kannski bara best að hrifsa sem mest með sér.