Þú og ég + Moses Hightower Kjartan Guðmundsson skrifar 18. september 2012 00:01 Helga Möller og Jóhann Helgason 2011. Undirritaður var fremur fúll yfir að hafa misst af samstarfstónleikum Þú og ég og Moses Hightower á Innipúkahátíðinni fyrir nokkrum vikum, sérstaklega þar sem eftir á fór það orðspor af frammistöðunni að fundist hefði fyrir stuðinu alla leið til veðurathugunarstöðvarinnar á Svalbarða hið minnsta. Því lá þráðbeint við að skella sér í Iðnó á föstudagskvöldið á endurtekninguna. Einnig fólst í því gráupplagt tækifæri til að sjá Móses-verja á sviði í síðasta sinn í bili því sveitin, sem er í fantaformi þessi dægrin, hverfur nú til sinnar reglulegu biðstöðu vegna anna meðlima úti um allan heim. Téð Moses Hightower stóð sig með prýði, sleip sem fyrr, með sitt hefðbundna sálarprógramm í fyrri hlutanum. Eitthvað var þó að hljóðinu í Iðnó, dósalegu og tómu, og það lagaðist í raun ekki fyrr en áhorfendum fjölgaði og slapp fyrir horn þegar tvíeykið Helga Möller og Jóhann Helgason slóst í hópinn. Þá kom líka umsvifalaust í ljós hvílík afbragðshugmynd það er að stefna þessum sveitum saman. Diskómellirnir komu á færibandi: Villi og Lúlla, Í Reykjavíkurborg, Dans, dans, dans, Ljúfa líf, Vegir liggja til allra átta og svo framvegis, og í raun ólíklegt að nokkur hefði sett sig upp á móti því að Aðfangadagskvöld hefði hljómað, svo nostalgísk og góð var stemningin. Helga var hress og kát og augsýnilega tilbúin í slaginn, Jóhann örlítið meira til baka en þó alltaf jafn snákslega svalur og Moses Hightower gerði afar vel með talsvert hraðari lög en sveitin er vön. Í heildina voru tónleikarnir mjög vel heppnaðir og hreint lostæti fyrir þá sem þjást af ólæknandi þá-þrá. Kjartan Guðmundsson Mest lesið Næsti Bond undir þrítugu og þrír efstir á blaði Bíó og sjónvarp Lilja Sif Pétursdóttir krýnd Miss Supranational Europe og talin myndfríðust Lífið Vægar viðreynslur en engir pervertar Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Áslaug selur glæsiíbúð í Reykjavík Lífið Einn með fyrsta vinning og vann tæpar 54 milljónir Lífið Rúrik mætti með kærustuna í brúðkaupið Lífið Albert og Guðlaug saman í fríi á Ibiza Lífið Stefnir á sigur í stærstu kokkakeppni heims Lífið Súrrealísk upplifun í prinsessuleik í Versölum Lífið Fleiri fréttir Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira
Undirritaður var fremur fúll yfir að hafa misst af samstarfstónleikum Þú og ég og Moses Hightower á Innipúkahátíðinni fyrir nokkrum vikum, sérstaklega þar sem eftir á fór það orðspor af frammistöðunni að fundist hefði fyrir stuðinu alla leið til veðurathugunarstöðvarinnar á Svalbarða hið minnsta. Því lá þráðbeint við að skella sér í Iðnó á föstudagskvöldið á endurtekninguna. Einnig fólst í því gráupplagt tækifæri til að sjá Móses-verja á sviði í síðasta sinn í bili því sveitin, sem er í fantaformi þessi dægrin, hverfur nú til sinnar reglulegu biðstöðu vegna anna meðlima úti um allan heim. Téð Moses Hightower stóð sig með prýði, sleip sem fyrr, með sitt hefðbundna sálarprógramm í fyrri hlutanum. Eitthvað var þó að hljóðinu í Iðnó, dósalegu og tómu, og það lagaðist í raun ekki fyrr en áhorfendum fjölgaði og slapp fyrir horn þegar tvíeykið Helga Möller og Jóhann Helgason slóst í hópinn. Þá kom líka umsvifalaust í ljós hvílík afbragðshugmynd það er að stefna þessum sveitum saman. Diskómellirnir komu á færibandi: Villi og Lúlla, Í Reykjavíkurborg, Dans, dans, dans, Ljúfa líf, Vegir liggja til allra átta og svo framvegis, og í raun ólíklegt að nokkur hefði sett sig upp á móti því að Aðfangadagskvöld hefði hljómað, svo nostalgísk og góð var stemningin. Helga var hress og kát og augsýnilega tilbúin í slaginn, Jóhann örlítið meira til baka en þó alltaf jafn snákslega svalur og Moses Hightower gerði afar vel með talsvert hraðari lög en sveitin er vön. Í heildina voru tónleikarnir mjög vel heppnaðir og hreint lostæti fyrir þá sem þjást af ólæknandi þá-þrá. Kjartan Guðmundsson
Mest lesið Næsti Bond undir þrítugu og þrír efstir á blaði Bíó og sjónvarp Lilja Sif Pétursdóttir krýnd Miss Supranational Europe og talin myndfríðust Lífið Vægar viðreynslur en engir pervertar Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Áslaug selur glæsiíbúð í Reykjavík Lífið Einn með fyrsta vinning og vann tæpar 54 milljónir Lífið Rúrik mætti með kærustuna í brúðkaupið Lífið Albert og Guðlaug saman í fríi á Ibiza Lífið Stefnir á sigur í stærstu kokkakeppni heims Lífið Súrrealísk upplifun í prinsessuleik í Versölum Lífið Fleiri fréttir Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira