Fínir Hljómskálafélagar Trausti Júlíusson skrifar 6. júní 2012 20:00 Sigtryggur Baldursson og Megas stigu báðir á svið í Hörpunni. fréttablaðið/anton Tónleikar. Hljómskálinn. Listahátíð - Harpa Eldborg, 2. júní. Þeir Hljómskálafélagar eru allt í öllu í opinbera poppinu þessi misserin. Þeir byrjuðu á sjónvarpsþáttaröð í haust. Hún var frábær og setti ný viðmið í tónlistarþáttagerð fyrir sjónvarp á Íslandi. Síðan gerðu þeir jólaþátt, páskaþátt og þátt um Íslensku tónlistarverðlaunin. Á laugardaginn settu þeir svo saman tónleikadagskrá fyrir Listahátíð sem var eina íslenska poppatriðið á dagskrá hátíðarinnar í ár. Öll þessi verkefni hafa þeir Sigtryggur Baldursson, Guðmundur Kristinn Jónsson og Bragi Valdimar Skúlason leyst með miklum ágætum og tónleikarnir í Eldborg voru engin undantekning. Húshljómsveit Hljómskálans er viðhafnarútgáfa af Hjálmum, en á tónleikunum fengu þeir fjölmarga söngvara til að stíga á svið, meðal annarra Megas, Ágústu Evu, Valdimar og Egil Sæbjörnsson. Á dagskránni voru ný og gömul lög og nokkur þeirra laga sem sérstaklega hafa verið samin fyrir sjónvarpsþættina. Tónleikarnir fóru rólega af stað og í byrjun var hljómburðurinn í salnum slæmur, a.m.k. þar sem ég sat á ellefta bekk. Sérstaklega var bassasándið vont. Maður hafði smá áhyggjur af því að þetta yrði sundurklippt og fullt af kynningum þar sem tónleikunum var sjónvarpað beint, en þær áhyggjur voru óþarfar; tónleikaformið var tekið fram yfir sjónvarpsþáttaformið og tónlistin fékk að hljóma án truflana. Þegar leið á lagaðist sándið og tónlistaratriðin urðu sterkari. Á meðal toppanna voru lögin tvö sem Jimi Tenor flutti ásamt Hjálmum (það verður spennandi að heyra plötuna sem þeir eru að vinna að saman) og míníópera Óttars Proppé, Röggu Gísla og Sigtryggs, sem samanstóð af lögum af Diskóeyjunni og af plötunni Í sjöunda himni með Glámi og Skrámi. Mjög skemmtilegt. Það var líka frábært að heyra Magnús Þór Sigmundsson og Jónas Sigurðsson taka smellinn Ef ég gæti hugsana minna og hápunkturinn var svo þegar Pálmi Gunnarsson söng kraftmikla útgáfu af laginu Hvers vegna varst'ekki kyrr. Tónleikunum lauk svo með því að Unnsteinn Manúel og Björn Jörundur sungu lagið Frelsið. Á heildina litið fín skemmtun. Niðurstaða: Listahátíðardagskrá Hljómskálans í Hörpu tókst prýðilega. Mest lesið Hélt við konu besta vinar síns Lífið Selur íbúð með náttúruparadís í bakgarðinum Lífið Tom Cruise hrasar á síðasta snúning Gagnrýni Heldur sér við efnið og burt frá efnunum Tónlist Einn heppinn vinnur frítt flug í heilt ár með PLAY Lífið samstarf Garðar Gunnlaugs og Fanney Sandra flytja á Selfoss Lífið Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning Bylgjulestin brunar af stað inn í sumarið Lífið samstarf Sérhönnuð krem frá O´Keeffe´s fyrir þurra og sprungna húð Lífið kynningar Hildur Yeoman lofuð í hástert á Style Bubble Lífið Fleiri fréttir Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira
Tónleikar. Hljómskálinn. Listahátíð - Harpa Eldborg, 2. júní. Þeir Hljómskálafélagar eru allt í öllu í opinbera poppinu þessi misserin. Þeir byrjuðu á sjónvarpsþáttaröð í haust. Hún var frábær og setti ný viðmið í tónlistarþáttagerð fyrir sjónvarp á Íslandi. Síðan gerðu þeir jólaþátt, páskaþátt og þátt um Íslensku tónlistarverðlaunin. Á laugardaginn settu þeir svo saman tónleikadagskrá fyrir Listahátíð sem var eina íslenska poppatriðið á dagskrá hátíðarinnar í ár. Öll þessi verkefni hafa þeir Sigtryggur Baldursson, Guðmundur Kristinn Jónsson og Bragi Valdimar Skúlason leyst með miklum ágætum og tónleikarnir í Eldborg voru engin undantekning. Húshljómsveit Hljómskálans er viðhafnarútgáfa af Hjálmum, en á tónleikunum fengu þeir fjölmarga söngvara til að stíga á svið, meðal annarra Megas, Ágústu Evu, Valdimar og Egil Sæbjörnsson. Á dagskránni voru ný og gömul lög og nokkur þeirra laga sem sérstaklega hafa verið samin fyrir sjónvarpsþættina. Tónleikarnir fóru rólega af stað og í byrjun var hljómburðurinn í salnum slæmur, a.m.k. þar sem ég sat á ellefta bekk. Sérstaklega var bassasándið vont. Maður hafði smá áhyggjur af því að þetta yrði sundurklippt og fullt af kynningum þar sem tónleikunum var sjónvarpað beint, en þær áhyggjur voru óþarfar; tónleikaformið var tekið fram yfir sjónvarpsþáttaformið og tónlistin fékk að hljóma án truflana. Þegar leið á lagaðist sándið og tónlistaratriðin urðu sterkari. Á meðal toppanna voru lögin tvö sem Jimi Tenor flutti ásamt Hjálmum (það verður spennandi að heyra plötuna sem þeir eru að vinna að saman) og míníópera Óttars Proppé, Röggu Gísla og Sigtryggs, sem samanstóð af lögum af Diskóeyjunni og af plötunni Í sjöunda himni með Glámi og Skrámi. Mjög skemmtilegt. Það var líka frábært að heyra Magnús Þór Sigmundsson og Jónas Sigurðsson taka smellinn Ef ég gæti hugsana minna og hápunkturinn var svo þegar Pálmi Gunnarsson söng kraftmikla útgáfu af laginu Hvers vegna varst'ekki kyrr. Tónleikunum lauk svo með því að Unnsteinn Manúel og Björn Jörundur sungu lagið Frelsið. Á heildina litið fín skemmtun. Niðurstaða: Listahátíðardagskrá Hljómskálans í Hörpu tókst prýðilega.
Mest lesið Hélt við konu besta vinar síns Lífið Selur íbúð með náttúruparadís í bakgarðinum Lífið Tom Cruise hrasar á síðasta snúning Gagnrýni Heldur sér við efnið og burt frá efnunum Tónlist Einn heppinn vinnur frítt flug í heilt ár með PLAY Lífið samstarf Garðar Gunnlaugs og Fanney Sandra flytja á Selfoss Lífið Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning Bylgjulestin brunar af stað inn í sumarið Lífið samstarf Sérhönnuð krem frá O´Keeffe´s fyrir þurra og sprungna húð Lífið kynningar Hildur Yeoman lofuð í hástert á Style Bubble Lífið Fleiri fréttir Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira
Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning
Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning