Brooks vísar ákærum á bug

Rebekah Brooks, fyrrverandi framkvæmdastjóri vikublaðsins News of the World, hefur verið ákærð fyrir að hafa reynt að halda leyndum upplýsingum um símhleranir, sem stundaðar voru af blaðamönnum blaðsins.

Hún sagði af sér í júlí síðastliðnum, eftir að upp komst um hleranirnar, og útgáfu blaðsins var hætt um svipað leyti.

Fimm aðrir hafa einnig verið ákærðir í málinu, þar á meðal eiginmaður hennar, Charlie Brooks. Brooks vísaði ákærunum á bug í gær og sagði þær út í hött.- gb