Móðir og eiginkona Pacquiao vilja að hann hætti

Hnefaleikakappinn magnaði Manny Pacquiao var rotaður illa um helgina í bardaga gegn Juan Manuel Marquez. Þetta var annað tap hans í röð. Sjálfur segist hann ætla að halda áfram að boxa en bæði eiginkona hans og móðir vilja að hann hætti.

"Þegar maður sér eiginmann sinn meiðast á slíkan hátt þá getur maður ekki einu sinni sofið. Ég vil að hann hætti og hef beðið hann um það," sagði eiginkonan, Jinkee.

Hún missti sig algjörlega er Pacquiao var rotaður. Hún grét og var algjörlega óhuggandi.

Móðir hans, Dionisia, hefur eðlilega áhyggjur af syninum.

"Ég hef lengi beðið hann um að hætta. Ég bið þess að hann hætti og hef beðið Guð um að láta hann hætta," sagði móðirin en hún skrifaði tapið á að Pacquiao hefði skipt um trú.