Allegri: Getum sjálfum okkur um kennt

Skrautlegt tímabil AC Milan hélt áfram um helgina er liðið tapaði 3-1 gegn Fiorentina. Að þessu sinni segir þjálfarinn, Massimiliano Allegri, að liðið geti sjálfu sér um kennt fyrir að tapa leiknum.

"Við gáfum þeim tvö mörk eftir innkast. Það er algjörlega óásættanlegt," sagði Allegri.

Milan er í 13. sæti ítölsku úrvalsdeildarinnar eftir helgina og aðeins fimm stigum frá fallsæti.

"Þetta tap var algjörlega okkur sjálfum að kenna. Við höfum verið að fá tækifæri í leikjum sem við nýtum ekki. Það verður að breytast."