Þrír Íslendingar skoruðu er Halmstad komst upp í úrvalsdeild

Lið þeirra Guðjóns Baldvinssonar og Kristins Steindórssonar, Halmstad, tryggði sér í dag sæti í sænsku úrvalsdeildinni. Halmstad hafði betur í umspili gegn Sundsvall.

Halmstad vann fyrri leik liðanna 3-0 og var því komið með annan fótinn í efstu deild fyrir leikinn í dag. Hann var bráðfjörugur og endaði með 4-3 sigri Sundsvall. Halmstad vinnur aftur á móti rimmuna 4-6.

Guðjón og Kristinn skoruðu báðir fyrir Halmstad og Ari Freyr Skúlason skoraði eitt marka Sundsvall. Kristinn skoraði úr víti sem Guðjón fiskaði. Ari lagði líka upp eitt mark fyrir Sundsvall.