Ný veiðibók komin út: Ágóðinn rennur til NASF

Ný bók á ensku um lax- og silungsveiði á Íslandi er komin út. Allur ágóðinn af sölu bókarinnar rennur til Verndarsjóðs villtra laxastofna.

Bókin "Fire & Ice: Fly Fishing Through Iceland", sem skrifuð er af Bretanum Adrian Latimer, fjallar um lax- og silungsveiði á Íslandi. Latimer er hugfanginn af landi og þjóð en hann kom fyrst til Íslands árið 1995 og síðan þá hefur hann komið tvisvar á ári til að veiða. Árið 2003 gaf hann út bókina "Northern Tails: An Icelandic Fishing Odyssey" en nýja bókin byggir einmitt að hluta til á henni.

Bókin er ríflega 300 blaðsíður og í henni er fjallað um fjölmargar ár, en einnig ýmislegt annað tengt veiðinni.

Allur ágóðinn af sölu bókurinnar rennur til Verndarsjóðs villtra laxastofna (NASF - North Atlantic Salmon Fund) og Verndarsjóðs villtra silunga (The Wild Trout Trust). Orri Vigfússon, formaður NASF, skrifar inngang að bókinni.

trausti@frettabladid.is