Allegri: Ég finn til með Conte

Massimiliano Allegri, þjálfari AC Milan, finnur til með kollega sínum, Antonio Conte þjálfara Juventus, sem dæmdur var í tíu mánaða leikbann í uppafi leiktíðar.

Conte var sakaður um að hafa ekki gefið upplýsingar um leiki þar sem leikmenn ætluðu sér að hafa áhrif á úrslit leiksins.

Þær sakir þykja vera vafasamir enda fáir sem gátu stutt þær ásakanir en fleiri gátu hrakið þær.

"Það eru reglur og þær verður að virða. Ég hef trú á lögunum og knattspyrnusambandinu. Ég finn samt til með Conte og ég virkilega meina það," sagði Allegri.

"Það er mikill missir fyrir deildina að vera án Conte. Ég get ekki ímyndað mér hversu illa honum hlýtur að líða. Ég óska honum alls hins besta og það er söknuður af honum á hliðarlínunni."