Sjötugur tennisdómari grunaður um morð

Það er fátt sem bendir til þess að hinn þekkti tennisdómari, Lois Ann Goodman, muni dæma á US Open en hún hefur verið handtekin fyrir að myrða eiginmann sinn.

Hin sjötuga Goodman er sögð hafa myrt áttræðan eiginmann sinn á heimili þeirra. Lögreglu grunar að hún hafi lamið hann í hausinn með kaffibolla með þeim afleiðingum að hann lést.

Goodman tjáði lögreglu að þegar hún hefði komið heim eftir langan dag á tennisvellinum hefði húsið verið læst. Hún sagði enn fremur þeim að eiginmaðurinn hefði líklega fengið hjartaáfall og fallið niður tröppurnar á heimilinu.

"Þetta var grunsamlegur dauði frá upphafi," sagði lögreglustjórinn í Los Angeles en krufning leiddi í ljós að lítið var að marka sögu Goodman.

Í íbúð hjónanna fannst blóð og brotin kaffikanna.