Norræni boltinn: Steinþór skoraði í Noregi

Steinþór Freyr Þorsteinsson skoraði eitt mark og lagði upp annað í 3-1 sigri Sandnes Ulf á Sogndal í norsku úrvalsdeildinni í dag.

Veigar Páll Gunnarsson og Bjarni Ólafur Eiríksson voru báðir í byrjunarliði Stabæk sem steinlá gegn Haugesund, 4-1. Alexander Söderlund, fyrrum leikmaður FH, skoraði fyrir Haugesund í leiknum.

Helgi Valur Daníelsson sat allan tímann á bekknum hjá AIK sem vann sterkan 0-1 útisigur á GAIS í sænsku úrvalsdeildinni.

Skúli Jón Friðgeirsson var einnig á bekknum hjá Elfsborg sem tapaði gegn Häcken, 4-2.

Hjörtur Logi Valgarðsson spilaði síðustu 20 mínúturnar fyrir IFK Göteborg sem steinlá gegn Kalmar, 3-0.