Llorente vill komast frá Athletic

Fernando Llorente, framherji Athletic Bilbao, hefur tilkynnt forráðamönnum félagsins að hann vilji ekki framlengja samning sinn við félagið.

„Hann og umboðsmaður hans tilkynntu okkur að hann vildi ekki framlengja samninginn," sagði Josu Urrutia forseti félagsins.

„Í rauninni koma peningar málinu ekkert við. Það sem hafði mest að segja var löngun hans til þess taka þátt í keppnum þar sem möguleiki á árangri væri meiri," sagði Urrutia.

Framherjinn 27 ára er sterklega orðaður við Juventus á Ítalíu sem hafa líst yfir áhuga á kappanum.

„Við erum í viðræðum um að fá Llorente en ferlið er flókið því Athletic vill ekki selja hann," sagði Beppe Marotta framkvæmdastjóri Juventus.

Talið er víst að Llorente yfirgefi Athletic áður en félagaskiptaglugginn lokar um mánaðarmótin.