Hjónaband Johnson stóð mjög stutt yfir

Einn skrautlegasti leikmaður NFL-deildarinnar síðustu ár, Chad Johnson, á ekki sjö dagana sæla. Hann er án félags og nú hefur eiginkona hans, Evelyn Lozada, farið fram á skilnað.

Aðeins leið 41 dagur frá brúðkaupi þar til hún sótti um skilnað.

Upp úr sauð hjá þeim hjónum um daginn er eiginkonan fann kvittun fyrir smokkum. Þau rifust í bílnum sem endaði með því að Johnson, sem áður gekk undir nafninu Ochocinco, skallaði eiginkonuna.

Hann var handtekinn, rekinn frá Dolphins daginn eftir og er nú búinn að missa konuna. Ofan á allt annað hefur vatnsframleiðandinn Zico sagt upp auglýsingasamningi við leikmanninn sem leitar nú að nýju liði.

Hann lék lengi með Bengals og var á mála hjá New England Patriots í fyrra.