Eyjólfur velur þrjá nýliða í 21 árs landsliðið

Eyjólfur Sverrisson, landsliðsþjálfari U21 karla í fótbolta, er búinn að velja hópinn sinn fyrir leiki á móti Aserum og Norðmönnum í undankeppni EM. Leikið verður gegn Aserum á KR velli, þriðjudaginn 5. júní kl. 19:15 og gegn Norðmönnum í Drammen viku síðar.

Eyjólfur velur þrjá nýliða að þessu sinni en það eru Skagamennirnir Árni Snær Ólafsson og Einar Logi Einarsson og KR-ingurinn Haukur Heiðar Hauksson. Haukur Heiðar og Einar Logi eru bakverðir en Árni Snær er markmaður.

Íslendingar eru í neðsta sæti í riðlinum með þrjú stig eftir fimm leiki. Aserar unnu fyrri leik liðanna ytra 29. febrúar síðastliðinn og hafa stigi meira. Norðmenn eru með sjö stig eftir fjóra leiki og eru í þriðja sæti riðilsins en þeir unnu 2-0 sigur á Kópavogsvelli á síðasta ári.

Hópurinn:

Markmenn

Arnar Darri Pétursson, Stjörnunni

Ásgeir Þór Magnússon, Val

Árni Snær Ólafsson, ÍA

Varnarmenn

Hólmar Örn Eyjólfsson, VFL Bochum

Jóhann Laxdal, Stjarnan

Kristinn Jónsson, Breiðablik

Eiður Aron Sigurbjörnsson, Örebro

Hörður Björgvin Magnússon, Juventus

Einar Logi Einarsson, ÍA

Haukur Heiðar Hauksson, KR

Miðjumenn

Finnur Orri Margeirsson, Breiðablik

Guðlaugur Victor Pálsson, N.Y Red Bulls

Björn Daníel Sverrisson, FH

Kristinn Steindórsson, Halmstad

Jón Daði Böðvarsson, Selfoss

Rúnar Már S Sigurjónsson, Val

Sóknarmenn

Björn Bergmann Sigurðarson, Lilleström

Aron Jóhannsson, AGF

Þorsteinn Már Ragnarsson, KR