Villas-Boas fær ekki meðmæli frá Mourinho

Þó svo José Mourinho sé ekki lengur að þjálfa lið Inter þá veitir hann forseta félagsins, Massimo Moratti, góð ráð. Nú hefur Mourinho tjáð Moratti að það sé ekki rétt að ráða Andre Villas-Boas sem næsta þjálfara Inter.

Villas-Boas hefur verið sterklega orðaður við starfið síðustu vikur og kemur nokkuð á óvart að Mourinho skuli ekki mæla með landa sínum sem lærði af honum á sínum tíma.

Andrea Stramaccioni verður þjálfari Inter út þessa leiktíð og hann gæti fengið tækifæri með liðið ákveði Moratti að fara að ráðum Mourinho og sleppa því að ráða Villas-Boas.