Arsenal komst aftur á sigurbraut með 3-0 útisigri á Birmingham í ensku úrvalsdeildinni í kvöld. Hollendingurinn Robin van Persie skoraði sitt fyrsta deildarmark í átta mánuði og Samir Nasri skoraði sitt þrettánda mark á tímabilinu í þessum sannfærandi sigri Arsenal-liðsins.
Arsenal er nú tveimur stigum á eftir toppliðum Manchester United og Manchester City en öll þrjú efstu liðin unnu leiki sína í dag. Tapið þýðir hinsvegar að Birmingham situr nú í næstneðsta sæti deildarinnar.
Robin van Persie fiskaði ódýra aukaspyrnu rétt fyrir utan vítateig á 13. mínútu og skoraði síðan beint úr aukaspyrnunni með viðkomu í Birmingaham-manninum Lee Bowyer. Þetta var fyrsta deildarmark Hollendingsins síðan 9. maí en hann hafði ekki skorað í fyrstu átta deildarleikjum sínum á þessu tímabili.
Samir Nasri kom Arsenal í 2-0 á 58. mínútu með laglegu merki eftir skemmtilegt samspil við Cesc Fabregas. Þetta var þrettánda mark Frakkans á tímbilinu.
Roger Johnson var síðan fyrir því að skora í eigið mark átta mínútum síðar eftir að Nasri og Fabregas höfðu splundrað vörn Birmingham með laglegu samspili. Skot Fabregas var varið en boltinn fór síðan í Johnson og rann yfir línuna.
Arsenal hélt þarna marki sínu hreinu í fyrsta sinn í átta deildarleikjum eða síðan liðið vann 2-0 sigur á Wolves 10. nóvember.
Arsenal vann sannfærandi 3-0 útisigur á Birmingham
Óskar Ófeigur Jónsson skrifar
Mest lesið


Schumacher skrifaði nafnið sitt á hjálm
Formúla 1



„Hann hefði getað fótbrotið mig“
Enski boltinn


Hundur hljóp inn á völlinn í leik Vestra og FH
Íslenski boltinn


Uppgjörið: Vestri - FH 1-0 | Daði Berg hetja Vestra
Íslenski boltinn

Uppgjörið: Afturelding - ÍBV 0-0 | Markalaust í nýliðaslagnum
Íslenski boltinn