Forneskjulegt framtíðarpopp Trausti Júlíusson skrifar 23. nóvember 2011 14:00 Tónlist. Nology. Nolo. Dúettinn Nolo er skipaður þeim Ívari Björnssyni og Jóni Gabríel Lorange. Þeir hafa starfað saman síðan um mitt ár 2009 og vöktu fyrst athygli fyrir smáskífur sem þeir settu inn á Gogoyoko og svo fyrir skemmtilega frammistöðu á tónleikum. Í byrjun árs 2010 kom frá þeim 8 laga EP-plata, en Nology er fyrsta Nolo-platan í fullri lengd. Tónlist Nolo var frá upphafi sér á báti. Hljómurinn þeirra er sérstakur - eiginlega forneskjulega framtíðarlegur. Hann einkennist af gamaldags syntahljómi, trommuheilatöktum og gítarleik. Lagasmíðarnar eru skemmtilegar, melódískar og grípandi og oft með einföldum og stuðvekjandi takti undir. Svo hafa drengirnir líka flottar söngraddir. Nology var tekin upp í hljóðveri undir stjórn Svavars Péturs Eysteinssonar og Loga Höskuldssonar, en ekki heima í herbergi eins og fyrri platan. Hljómurinn er þess vegna betri, en sem betur fer eru öll Nolo-einkennin samt enn til staðar. Nology er ein af skemmtilegustu plötum ársins. Hún er fjórtán laga og lögin eru hvert öðru flottara, en mín uppáhaldslög eru samt Polka, Put on a Face Boy, Taxi og hið óviðjafnanlega Bus Seats, með textanum um sætin í strætó sem þeir Nolo-menn bera mikla umhyggju fyrir. Á heildina litið er þetta frábær plata frá einstakri hljómsveit. Forneskjulegt framtíðarpopp í hæsta gæðaflokki. Niðurstaða: Fyrsta Nolo-platan í fullri lengd stendur undir öllum væntingunum sem til hennar voru gerðar. Mest lesið Skapandi sumarstarf varð að þætti á laugardagskvöldum á RÚV Bíó og sjónvarp Sonur Rögnu og Árna fæddur Lífið Næsti Bond undir þrítugu og þrír efstir á blaði Bíó og sjónvarp Krakkatían: Leikhópurinn Lotta, fótboltamót og sumarsólstöður Lífið Einn með fyrsta vinning og vann tæpar 54 milljónir Lífið Lilja Sif Pétursdóttir krýnd Miss Supranational Europe og talin myndfríðust Lífið Rúrik mætti með kærustuna í brúðkaupið Lífið Áslaug selur glæsiíbúð í Reykjavík Lífið Súrrealísk upplifun í prinsessuleik í Versölum Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Fleiri fréttir Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira
Tónlist. Nology. Nolo. Dúettinn Nolo er skipaður þeim Ívari Björnssyni og Jóni Gabríel Lorange. Þeir hafa starfað saman síðan um mitt ár 2009 og vöktu fyrst athygli fyrir smáskífur sem þeir settu inn á Gogoyoko og svo fyrir skemmtilega frammistöðu á tónleikum. Í byrjun árs 2010 kom frá þeim 8 laga EP-plata, en Nology er fyrsta Nolo-platan í fullri lengd. Tónlist Nolo var frá upphafi sér á báti. Hljómurinn þeirra er sérstakur - eiginlega forneskjulega framtíðarlegur. Hann einkennist af gamaldags syntahljómi, trommuheilatöktum og gítarleik. Lagasmíðarnar eru skemmtilegar, melódískar og grípandi og oft með einföldum og stuðvekjandi takti undir. Svo hafa drengirnir líka flottar söngraddir. Nology var tekin upp í hljóðveri undir stjórn Svavars Péturs Eysteinssonar og Loga Höskuldssonar, en ekki heima í herbergi eins og fyrri platan. Hljómurinn er þess vegna betri, en sem betur fer eru öll Nolo-einkennin samt enn til staðar. Nology er ein af skemmtilegustu plötum ársins. Hún er fjórtán laga og lögin eru hvert öðru flottara, en mín uppáhaldslög eru samt Polka, Put on a Face Boy, Taxi og hið óviðjafnanlega Bus Seats, með textanum um sætin í strætó sem þeir Nolo-menn bera mikla umhyggju fyrir. Á heildina litið er þetta frábær plata frá einstakri hljómsveit. Forneskjulegt framtíðarpopp í hæsta gæðaflokki. Niðurstaða: Fyrsta Nolo-platan í fullri lengd stendur undir öllum væntingunum sem til hennar voru gerðar.
Mest lesið Skapandi sumarstarf varð að þætti á laugardagskvöldum á RÚV Bíó og sjónvarp Sonur Rögnu og Árna fæddur Lífið Næsti Bond undir þrítugu og þrír efstir á blaði Bíó og sjónvarp Krakkatían: Leikhópurinn Lotta, fótboltamót og sumarsólstöður Lífið Einn með fyrsta vinning og vann tæpar 54 milljónir Lífið Lilja Sif Pétursdóttir krýnd Miss Supranational Europe og talin myndfríðust Lífið Rúrik mætti með kærustuna í brúðkaupið Lífið Áslaug selur glæsiíbúð í Reykjavík Lífið Súrrealísk upplifun í prinsessuleik í Versölum Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Fleiri fréttir Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira