Deilt um forsendur fjárlaga

Steingrímur J. Sigfússon fjármálaráðherra sat fyrir svörum á opnum fundi efnahags- og viðskiptanefndar Alþingis í gær. Þar var farið yfir forsendur tekjuhliðar fjárlaga. Stjórnarandstaðan gagnrýndi þær og einnig ýmsar aðgerðir sem grípa á til, svo sem hækkun skattþrepa.

Þetta er í annað sinn sem haldinn er opinn nefndarfundur samkvæmt nýsamþykktum þingsköpum og í bæði skiptin hefur efnahags- og viðskiptanefnd staðið fyrir opnum fundi. Hægt er að fylgjast með fundinum á heimasíðu Alþingis.

Mennta- og menningarmálaráðherra mætir á opinn fund allsherjar- og menntamálanefndar Alþingis í dag klukkan 9.- kóp