Pönk gegn Alþingi Haukur Viðar Alfreðssson skrifar 15. september 2011 12:00 Haukur Már er síður en svo hlutlaus í nálgun sinni á efnið, enda væri lítið fútt í slíkum vinnubrögðum. Bíó. Ge9n. Leikstjóri: Haukur Már Helgason. Ef þú ert á þeirri skoðun að allir aktívistar séu húðlatir hústökumenn sem lögreglan ætti að „taka harðar á" eru hverfandi líkur á að þér muni geðjast að heimildarmyndinni Ge9n eftir Hauk Má Helgason. „Níumenningarnir" svokölluðu eru hér í aðalhlutverkum, en það er fólkið sem var ákært fyrir árás á Alþingi í desember 2008. Haukur Már er síður en svo hlutlaus í nálgun sinni á efnið, enda væri lítið fútt í slíkum vinnubrögðum. Hlutdrægar heimildarmyndir eru engu að síður litnar hornauga af mörgum, kallaðar „áróðursmyndir" líkt og um nasistaglansmyndir Leni Riefenstahl væri að ræða, en Ge9n er tæplega áróðursmynd. Níumenningarnir voru beittir ranglæti og dómsmálið gegn þeim var farsakennt. Myndin hoppar á milli viðtala við fólkið og svipmynda úr búsáhaldabyltingunni. Af og til les hinn kaldhæðni Goddur upp úr bloggum misvitra netverja um aktívistana. Það gerir hann meðal annars í stílhreinum stofum úr Ikea. Einfalt og symbolískt myndmál sem svínvirkar. Myndin dettur ekki í þá gryfju að mála níumenningana sem vælandi fórnarlömb. Það hefði verið ofureinfalt að senda þau öll í rakstur og smink til að fiska samúð áhorfandans („Þetta gæti verið ég!") en þess í stað eru þau í sömu rifnu gallabuxunum og þau klæddust þegar hin meinta árás var framin. Það er heiðarlegt. Ge9n er pönk-listaverk. „Öskur meðaljónsins" er áhrifamikil sena sem brýtur myndina skemmtilega upp. Notkun tónlistar er einnig skemmtileg og útpæld. Ástsælar íslenskar dægurlagalummur (heilagar kýr?) eru teknar í sundur og settar saman á ný á frumlegan en jafnframt pervertískan máta. Þetta kallast fullkomlega á við rauðan þráð myndarinnar, uppreisnina gegn hinu þægilega og örugga. Ég hef aldrei heyrt Erlu Þorsteinsdóttur snúið á haus fyrr en nú, og ég var yfir mig hrifinn. Það var þó dapurlegt að sjá hversu fáir voru á sýningunni. Fyrir utan undirritaðan voru fjórir í salnum. Það var kannski fyrirsjáanlegt, enda þægilegra að gera eitthvað annað. Niðurstaða: Virkilega flott mynd um furðulegt mál. Listrænn metnaður bætir fyrir örfáa vankanta í flæðinu. Lífið Mest lesið „Fötlun fyrir marga að vera með lítið typpi“ Lífið Fullkominn brúðkaupsdagur í frönskum kastala Lífið Sjáðu-hjónin kunna að halda partý Lífið Tilkynnti dauða Trés lífsins með brókarmynd Lífið Ghost of Yōtei: Einhver heimsins fallegasti leikur og skemmtilegur líka Leikjavísir „Þetta er ömurleg fjárhagsleg ákvörðun“ Tónlist Play gjaldþrota: Hvað geta Laufey og Viagra kennt okkur? Lífið Dauðlangar í kynlífsdúkku en óttast álit annarra Lífið Karen og Hjalti orðin tveggja barna foreldrar Lífið „Öðruvísi að vera þarna megin við borðið“ í baráttu við krabbann Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Bíó. Ge9n. Leikstjóri: Haukur Már Helgason. Ef þú ert á þeirri skoðun að allir aktívistar séu húðlatir hústökumenn sem lögreglan ætti að „taka harðar á" eru hverfandi líkur á að þér muni geðjast að heimildarmyndinni Ge9n eftir Hauk Má Helgason. „Níumenningarnir" svokölluðu eru hér í aðalhlutverkum, en það er fólkið sem var ákært fyrir árás á Alþingi í desember 2008. Haukur Már er síður en svo hlutlaus í nálgun sinni á efnið, enda væri lítið fútt í slíkum vinnubrögðum. Hlutdrægar heimildarmyndir eru engu að síður litnar hornauga af mörgum, kallaðar „áróðursmyndir" líkt og um nasistaglansmyndir Leni Riefenstahl væri að ræða, en Ge9n er tæplega áróðursmynd. Níumenningarnir voru beittir ranglæti og dómsmálið gegn þeim var farsakennt. Myndin hoppar á milli viðtala við fólkið og svipmynda úr búsáhaldabyltingunni. Af og til les hinn kaldhæðni Goddur upp úr bloggum misvitra netverja um aktívistana. Það gerir hann meðal annars í stílhreinum stofum úr Ikea. Einfalt og symbolískt myndmál sem svínvirkar. Myndin dettur ekki í þá gryfju að mála níumenningana sem vælandi fórnarlömb. Það hefði verið ofureinfalt að senda þau öll í rakstur og smink til að fiska samúð áhorfandans („Þetta gæti verið ég!") en þess í stað eru þau í sömu rifnu gallabuxunum og þau klæddust þegar hin meinta árás var framin. Það er heiðarlegt. Ge9n er pönk-listaverk. „Öskur meðaljónsins" er áhrifamikil sena sem brýtur myndina skemmtilega upp. Notkun tónlistar er einnig skemmtileg og útpæld. Ástsælar íslenskar dægurlagalummur (heilagar kýr?) eru teknar í sundur og settar saman á ný á frumlegan en jafnframt pervertískan máta. Þetta kallast fullkomlega á við rauðan þráð myndarinnar, uppreisnina gegn hinu þægilega og örugga. Ég hef aldrei heyrt Erlu Þorsteinsdóttur snúið á haus fyrr en nú, og ég var yfir mig hrifinn. Það var þó dapurlegt að sjá hversu fáir voru á sýningunni. Fyrir utan undirritaðan voru fjórir í salnum. Það var kannski fyrirsjáanlegt, enda þægilegra að gera eitthvað annað. Niðurstaða: Virkilega flott mynd um furðulegt mál. Listrænn metnaður bætir fyrir örfáa vankanta í flæðinu.
Lífið Mest lesið „Fötlun fyrir marga að vera með lítið typpi“ Lífið Fullkominn brúðkaupsdagur í frönskum kastala Lífið Sjáðu-hjónin kunna að halda partý Lífið Tilkynnti dauða Trés lífsins með brókarmynd Lífið Ghost of Yōtei: Einhver heimsins fallegasti leikur og skemmtilegur líka Leikjavísir „Þetta er ömurleg fjárhagsleg ákvörðun“ Tónlist Play gjaldþrota: Hvað geta Laufey og Viagra kennt okkur? Lífið Dauðlangar í kynlífsdúkku en óttast álit annarra Lífið Karen og Hjalti orðin tveggja barna foreldrar Lífið „Öðruvísi að vera þarna megin við borðið“ í baráttu við krabbann Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira