Rykið dustað af góðu tímabili 21. júní 2011 06:00 super 8 Þrælgott formúlufjör sem sækir innblástur til níunda áratugarins. Kvikmyndir Super 8 Leikstjóri: J.J. Abrams Leikarar: Joel Courtney, Kyle Chandler og Elle Fanning. Árið er 1979 og hinn þrettán ára gamli Joe Lamb, sem missti móður sína fyrir skemmstu, vinnur að gerð kvikmyndar ásamt nokkrum félögum sínum. Þótt þeir séu ekki háir í loftinu er metnaðurinn í hæstu hæðum og takmarkið er að fá myndina sýnda á kvikmyndahátíð sem nálgast óðfluga. Við upptökur eins atriðanna verða krakkarnir vitni að hrikalegu lestarslysi, og litla kvikmyndatökuvélin þeirra rúllar allan tímann. Áður en langt um líður eru krakkarnir staddir í hringiðu samsæris og yfirhylmingar. Eitthvað dularfullt virðist hafa verið um borð í lestinni, og flughernum er mikið í mun að almenningur komist ekki að því hvað það var. Best er að tíunda söguþráðinn ekki frekar. Super 8 sækir innblástur í fjölskyldu- og ævintýramyndir níunda áratugarins. Krakkarnir þjóta um á reiðhjólum og í þeirra augum er heimur fullorðinna fjarlægur og óspennandi. Persónurnar eru að vísu sniðnar eftir gamalli uppskrift en sú uppskrift er sígild og leikhópurinn ungi stendur sig með miklum sóma. Í raun má segja að myndin öll sé vel hlaðin klisjum en flestar klisjurnar hér er auðvelt að líka við. Frásagnargleði Abrams er það sem heillar mest. Hann fer troðnar slóðir, fetar í fótspor mynda á borð við E.T., The Goonies og Stand by Me, en allar þessar myndir eru góðir minnisvarðar um skemmtilegt tímabil í sögu Hollywood sem er löngu liðið. Það er gaman að heimsækja þetta tímabil aftur og Super 8 má líkja við fantagóða ábreiðuhljómsveit sem spilar gamla slagara af ástríðu og natni. Og að sjálfsögðu í búningum til að fanga tíðarandann. Haukur Viðar Alfreðsson Niðurstaða: Þrælgott formúlufjör að hætti níunda. áratugarins. Og formúlan virkar enn. Lífið Mest lesið „Fötlun fyrir marga að vera með lítið typpi“ Lífið Fullkominn brúðkaupsdagur í frönskum kastala Lífið Play gjaldþrota: Hvað geta Laufey og Viagra kennt okkur? Lífið Ghost of Yōtei: Einhver heimsins fallegasti leikur og skemmtilegur líka Leikjavísir Dauðlangar í kynlífsdúkku en óttast álit annarra Lífið Karen og Hjalti orðin tveggja barna foreldrar Lífið Fagnar gagnrýni á „rasshausa-ummæli“ sín Lífið László Krasznahorkai hlýtur bókmenntaverðlaun Nóbels Menning Bein útsending: Hver hlýtur bókmenntaverðlaun Nóbels? Menning Maður geti þurft að díla við „konu sem er á túr“ og í vondu skapi Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Kvikmyndir Super 8 Leikstjóri: J.J. Abrams Leikarar: Joel Courtney, Kyle Chandler og Elle Fanning. Árið er 1979 og hinn þrettán ára gamli Joe Lamb, sem missti móður sína fyrir skemmstu, vinnur að gerð kvikmyndar ásamt nokkrum félögum sínum. Þótt þeir séu ekki háir í loftinu er metnaðurinn í hæstu hæðum og takmarkið er að fá myndina sýnda á kvikmyndahátíð sem nálgast óðfluga. Við upptökur eins atriðanna verða krakkarnir vitni að hrikalegu lestarslysi, og litla kvikmyndatökuvélin þeirra rúllar allan tímann. Áður en langt um líður eru krakkarnir staddir í hringiðu samsæris og yfirhylmingar. Eitthvað dularfullt virðist hafa verið um borð í lestinni, og flughernum er mikið í mun að almenningur komist ekki að því hvað það var. Best er að tíunda söguþráðinn ekki frekar. Super 8 sækir innblástur í fjölskyldu- og ævintýramyndir níunda áratugarins. Krakkarnir þjóta um á reiðhjólum og í þeirra augum er heimur fullorðinna fjarlægur og óspennandi. Persónurnar eru að vísu sniðnar eftir gamalli uppskrift en sú uppskrift er sígild og leikhópurinn ungi stendur sig með miklum sóma. Í raun má segja að myndin öll sé vel hlaðin klisjum en flestar klisjurnar hér er auðvelt að líka við. Frásagnargleði Abrams er það sem heillar mest. Hann fer troðnar slóðir, fetar í fótspor mynda á borð við E.T., The Goonies og Stand by Me, en allar þessar myndir eru góðir minnisvarðar um skemmtilegt tímabil í sögu Hollywood sem er löngu liðið. Það er gaman að heimsækja þetta tímabil aftur og Super 8 má líkja við fantagóða ábreiðuhljómsveit sem spilar gamla slagara af ástríðu og natni. Og að sjálfsögðu í búningum til að fanga tíðarandann. Haukur Viðar Alfreðsson Niðurstaða: Þrælgott formúlufjör að hætti níunda. áratugarins. Og formúlan virkar enn.
Lífið Mest lesið „Fötlun fyrir marga að vera með lítið typpi“ Lífið Fullkominn brúðkaupsdagur í frönskum kastala Lífið Play gjaldþrota: Hvað geta Laufey og Viagra kennt okkur? Lífið Ghost of Yōtei: Einhver heimsins fallegasti leikur og skemmtilegur líka Leikjavísir Dauðlangar í kynlífsdúkku en óttast álit annarra Lífið Karen og Hjalti orðin tveggja barna foreldrar Lífið Fagnar gagnrýni á „rasshausa-ummæli“ sín Lífið László Krasznahorkai hlýtur bókmenntaverðlaun Nóbels Menning Bein útsending: Hver hlýtur bókmenntaverðlaun Nóbels? Menning Maður geti þurft að díla við „konu sem er á túr“ og í vondu skapi Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira