Barði mann í höfuð með röri

Ríkissaksóknari hefur ákært tvítugan mann fyrir sérstaklega hættulega líkamsárás. Manninum er gefið að sök að hafa slegið annan mann með járn- eða álröri í höfuðið.

Fórnarlambið hlaut skurð á enni sem sauma þurfti saman. Atvikið átti sér stað aðfaranótt sunnudagsins 20. júní 2010, á bifreiðaplani söluturnsins Aðalbrautar, við Víkurbraut í Grindavík. Sá sem sleginn var gerir einkaréttarkröfu í málinu. Hann vill fá nær 900 þúsund krónur úr hendi árásarmannsins.- jss