Rís upp með hjálp Viagra

Íslenskir kvikmyndahúsagestir geta valið úr mörgum nýjum myndum um helgina.

Ein þeirra er rómantíska gamanmyndin Love and Other Drugs. Myndin gerist á tíunda áratugnum og fara Anne Hathaway og Jake Gyllenhaal með aðalhlutverkin.

Gyllenhaal leikur mann sem fær vinnu í lyfjafyrirtæki og rís fljótt upp metorðastigann, aðallega með því að beita persónutöfrum sínum á kvenfólk en einnig vegna nýs lyfs sem heitir Viagra. Hathaway leikur konu sem verður á vegi hans og fellur ekki fyrir venjulegu trixunum, enda er hún jafn slóttug.