Kubica enn í aðgerð eftir óhapp

Pólverjinn Robert Kubica er enn í aðgerð eftir óhapp í rallkeppni á Ítalíu í morgun og sérfræðingur í aðgerðum á höndum er meðal þeirra sem sinna Formúlu 1 ökumanninum. Kubica tók þátt í rallkeppni, en keyrði á vegg og vegrið, sem skarst inn í bílinn. .

Kubica lenti á vegriði á mikilli ferð í morgun og stakkst vegriðið inn í bílinn og skaðaði hægri hlið líkama Kubica. Hann fótbrotnaði og meiddist á hægri hönd, sem virðist hafa valdið flókinni aðgerð.

Á twitter síður Adam Cooper segir að Kubica verði í aðgerð til kvölds, en Igor Rosello, sem er sérfræðingur í aðgerðum á höndum fæst m.a. við meiðsli Kubica. Þá er Riccardo Cecarelli, læknir Lotus Renault liðsins á spítalnum á Ítalíu.

Nokkuð ljóst er að Kubica mun ekki keppa í fyrsta móti árins í Barein 13. mars, en Vitaly Petrov er hinn aðalökumaður liðsins. Varaökumenn eru Bruno Senna og Romain Groesjan. Um tíma var Lotus Renault að ræða við Kimi Raikkönen, en hann ákvað að keppa í rallakstri á þessu ári með Citroen. En það er spurning hvort Senna verður kallaður til sem ökumaður í stað Kubica.

Umboðsmaður Kubica ætlaði að greina frá stöðu Kubica í dag með fréttamönnum.

Sjá meira um óhapp Kubica