Demókratar vilja banna munntóbak og stera í hafnabolta

Þegar hugsað er um hafnaboltamann dettur mörgum í hug munntóbak og sterar. Skal engan undra þar sem ótrúlegur fjöldi leikmanna MLB-deildarinnar notar munntóbak og stera. Upp hefur komist um steranotkun margra af bestu leikmönnum síðari ára.

Tveir þingmenn demókrata vilja losna við bæði tókbakið og sterana og hafa skrifað yfirmönnum hafnaboltadeildarinnar bréf.

Þar er deildin hvött til þess að banna notkun tóbaks í leikjum og að byrja að lyfjaprófa leikmenn fyrir vaxtarhormóninu HGH en ekkert er skimað eftir slíku í deildinni.

Ekki hafa enn borist nein viðbrögð frá forráðamönnum MLB-deildarinnar vegna bréfsins.

Fleiri taka undir með þingmönnunum enda tóbakið skaðlegt heilsu fólks og mörgum finnst ekki boðlegt að fyrirmyndar séu að brúka það í sjónvarpinu.