Gunnhildur Yrsa: Liðsheildin er sterk hjá Stjörnunni

„Mér líður bara mjög vel eftir þessa viðurkenningu," sagði Gunnhildur Yrsa Jónsdóttir, fyrirliði Stjörnunnar, en hún var valinn besti leikmaður umferða 10-18 í Pepsi-deild kvenna í dag.

„Það var æðislega gaman að fá að taka þátt í þessu ævintýri með Stjörnunni og ná að vinna þennan titil".

„Við héldum aðeins uppá Íslandsmeistaratitilinn um helgina, en samt tekið nokkuð rólega á því".

„Þetta sumar er búið að vera mikil barátta hjá okkur Stjörnustelpum. Við erum kannski ekki með hæfileikaríkasta hópinn en liðsheildin og baráttan í liðinu er frábær".