Buffon verður hjá Juventus út ferilinn

Markvörðurinn margreyndi, Gianluigi Buffon, mun vera hjá Juventus það sem eftir er af ferlinum, en frá þessu greinir umboðsmaður leikmannsins við ítalska fjölmiðla.

Þessi 33 ára markvörður samdi við Juventus fyrir einum áratugi þegar hann kom frá Parma og hefur síðan verið einn mesti markvörður í Evrópu.

Buffon hefur verið orðaður við alla stærstu klúbbana í Evrópu undanfarinn ár en alltaf hefur hann verið tryggir sínu félagi  og það verður enginn breytinga þar á.

Silvano Martina, umboðsmaður Buffon, sagði við fjölmiðla að ef markvörðurinn hefði viljað yfirgefa ítalska félagið, þá væri hann löngu farinn.

„Buffon verður alltaf hjá Juventus. Hann hefur fengið fjöldann allan af tilboðum en alltaf viljað vera hjá klúbbnum,“ sagði Martina.