Robles vann sigur í 110 metra grindahlaupi - rakst utan í Xiang

Kúbverjinn Dayron Robles kom fyrstur í mark í 110 metra grindahlaupi karla á heimsmeistaramótinu í frjálsum íþróttum í Suður-Kóreu. Ólympíumethafinn hljóp á tímanum 13.14 sekúndur.

Robles kom í mark rétt á undan Bandaríkjamanninum Jason Richardson sem kom í mark á tímanum 13.16 sekúndur. Bronsið féll í skaut Kínverjans Liu Xiang sem hljóp á tímanum 13.27 sekúndur.

Athygli vakti í hlaupinu að Robles og Xiang virtust reka hendur sínar saman í hlaupinu þegar Kínverjinn var með forystu. Atvikið má sjá með því að smella hér.