Jónmundur tryggði Gróttu stig á Ísafirði

Einum leik er lokið í 1. deild karla í dag. BÍ/Bolungarvík og Grótta skildu jöfn, 1-1, á Ísafirði í dag.

Jónmundur Grétarsson, sem hóf tímabilið með BÍ/Bolungarvík, gekk í raðir Gróttu í síðasta mánuði og hann kom gestunum yfir með marki úr vítaspyrnu í fyrri hálfleik.

Tomi Ameobi jafnaði svo metin fyrir heimamenn þegar skammt var til leiksloka og þar við sat.

BÍ/Bolungarvík er í sjötta sæti deildarinnar með 22 stig eftir jafnteflið í dag en Grótta er í því níunda með fimmtán stig.

Klukkan 16.00 hófst leikur Hauka og KA á Ásvöllum.