Fara í mál við NFL-deildina

75 fyrrverandi leikmenn í NFL-deildinni hafa ákveðið að fara í mál þar sem þeir segja að forráðamenn deildarinnar hafi viljandi haldið því leyndu í 90 ár hversu hættulegt sé að fá heilahristing.

Eins og fólk ætti að vita er amerískur fótbolti ansi hörð íþrótt og leikmenn í deildinni fá reglulega heilahristing. Sumir hverjir fá marga á sínum ferli.

Leikmenn segja að deildin hafi sett líf þeirra í hættu með því að leyna mikilvægum upplýsingum um heilsufar.

Talið er að nokkrar leikmenn sem létust langt fyrir aldur fram hafi látist vegna meiðsla sem þeir urðu fyrir á meðan þeir spiluðu í NFL-deildinni.