Haye: Verður fyndið að sjá vélmennið bila

Það er farin að myndast mikil stemning fyrir þungavigtarbardaga þeirra David Haye og wladimir Klitschko sem mætast á laugardag.

Bretinn Haye var í miklu stuði á blaðamannafundi í dag þegar hann sagðist ætla að gera vélmennið Klitschko óvirkt.

"Það áttu ekki margir von á því að ég kæmist svona langt. Ég er hér og tilbúinn í að gera það sem ég hef alltaf lofað," sagði Haye sem hefur lengi reynt að fá bardaga gegn Klitschko-bræðrunum. Wladimir ákvað að taka slaginn.

"Þjálfari Wladimir segir að hann sé í frábæru formi og til í slaginn. Hann er búinn að vera að horfa á myndbönd með mér. Frábært. Ég veit sjálfur ekki betri undirbúning fyrir bardaga en að horfa á myndbönd með sjálfum mér.

"Ég get lofað góðri skemmtun. Það verður fyndið að sjá vélmennið bila. Það mun gerast hratt. Ég er hraður og höggþungur."