Mayweather lét lífverðina lemja mann í Las Vegas

Maður á þrítugsaldri hefur kært hnefaleikakappann Floyd Mayweather Jr. Boxarinn var ósáttur við manninn og lét lífverði sína lemja hann hraustlega.

Kærandinn heitir Anthony Cliff og hann vatt sér að Mayweather í Las Vegas og fór að spyrja hann út í hvenær hann myndi þora að mæta Manny Pacquiao.

Það þoldi Mayweather ekki og sendi lífverðina á Cliff. Samkvæmt kærunni lömdu þeir Cliff í andlitið, skelltu andlitinu á honum í jörðina og spörkuðu svo ítrekað í hann allan.

Mayweather er ekki ókunnugur kærum en tvö önnur mál gegn honum eru í gangi sem stendur.