Maicon mun ekki yfirgefa Inter

Umboðsmaður brasilíska bakvarðarins Maicon hjá Inter segir það ekki vera í spilunum að skjólstæðingur sinn fari til Spánar eins og fjölmiðlar hafa verið að gefa í skyn síðustu daga.

Maicon hefur verið þráfaldlega orðaður við Real Madrid enda hefur félagið verið á eftir honum áður.

"Það eru engar viðræður í gangi sem stendur. Maicon er með mikilvægan samning við Inter og verður þar áfram," sagði umbinn.

Það sem hefur þó ruglað málið nokkuð er að Maicon er með annan umboðsmann sem hefur verið að kynda undir för leikmannsins til Spánar.