Þrír leikmenn AC Milan framlengja

Undirbúningur Ítalíumeistara AC Milan fyrir næsta tímabil gengur vel. Félagið er þegar búið að kaupa Philippe Mexes og þrír núverandi leikmenn félagsins hafa nú framlengt samningi sínum við félagið.

Það eru þeir Mark Van Bommel, Thiago Silva og markvörðurinn Flavio Roma. Samningar Roma og Van Bommel eru út næstu leíktíð en Silva samdi til ársins 2016.

Þrátt fyrir þessa fínu byrjun á sumrinu er samt nóg að gera hjá forráðamönnum Milan enda margir leikmenn að renna út á samningi.