Rúm 57% á móti Icesave í nýrri könnun

Enn ein skoðanakönnunin sýnir að meirihluti þjóðarinnar ætli að hafna nýjasta Icesave samningnum.

Í könnun sem MMR gerði fyrir þjóðmálafélagið Andríki segjast ríflega 57 prósent þeirra, sem tóku afstöðu, ætla að hafna samningnum. Þetta er heldur meiri andsatða en í sambærilegum könnunum, sem gerðar hafa verið undanfarna daga.

Líkt og í fyrri könnunum virðist kjörsókn ætla að verða mjög góð, því yfir 90 prósent aðspurðra í þessari könnun, sögðust ætla að mæta á kjörstað.