Gunnar Heiðar lagði upp tvö og skoraði eitt - myndband

Gunnar Heiðar Þorvaldsson er þessa dagana til reynslu hjá sænska úrvalsdeildarfélaginu Norrköping og stóð sig vel í æfingaleik með liðinu í gær.

Norrköping er í æfingaferð á Mallorca og vann í gær 5-0 sigur á B-liði Real Mallorca. Gunnar Heiðar lagði upp tvö mörk í leiknum og skoraði svo sjálfur í síðari hálfleik.

Forráðamenn liðsins eru sagðir ánægðir með frammistöðu Gunnars Heiðars sem samdi nýverið við ÍBV hér á landi. Eyjamenn munu þó ekki standa í vegi fyriri Gunnari ef hann ákveður að semja við Norrköping.

Gunnar Heiðar þekkir vel til í Svíþjóð en hann lék með Halmstad þar í landi frá 2004 til 2006 og varð til að mynda markakóngur sænsku úrvalsdeildarinnar árið 2005.

Samantekt úr leiknum má sjá hér.