Margrét Lára með tvö mörk í glæsilegum sigri á Kína

Margrét Lára Viðarsdóttir skoraði tvö mörk fyrir íslenska kvennalandsliðið sem vann 2-1 sigur á Kína í öðrum leik sínum í Algarve-bikarnum í Portúgal. Líkt og í sigrinum á Svíum á miðvikudaginn þá lenti íslenska liðið undir en kom til baka og tryggði sér frábæran sigur.

Margrét Lára skoraði fyrra mark sitt á 26. mínútu með marki beint úr aukspyrnu en markið kom aðeins fimm mínútum eftir að kínversku stelpurnar höfðu komist yfir í leiknum. Margrét Lára skoraði síðan sigurmarkið á 49. mínútu eftir glæsilegan einleik frá miðju. Hún hefur nú skorað þrjú mörk í þessum tveimur leikjum og alls 58 mörk í 70 landsleikjum.

Kínverska liðið átti skot í slá og stöng á lokasekúndum leiksins en íslenska liðið hélt út og fagnaði sínum öðrum leik í röð í keppninni. Kína er í 13. sæti á Styrkleikalista FIFA en íslenska liðið er þar í 17. sæti.

Leikmenn íslenska liðsins í dagMarkvörður: Guðbjörg Gunnarsdóttir

Hægri bakvörður: Þórunn Helga Jónsdóttir

Miðvörður: Sif Atladóttir

Miðvörður: Katrín Jónsdóttir, fyrirliði

Vinstri bakvörður: Ólína Guðbjörg Viðarsdóttir

Tengiliður: Edda Garðarsdóttir

Tengiliður: Sara Björk Gunnarsdóttir

Sóknartengiliður: Katrín Ómarsdóttir

(Dagný Brynjarsdóttir inn á 61. mínútu)

Hægri kantur: Fanndís Friðriksdóttir

(Rakel Hönnudóttir inn á 56. mínútu)

Vinstri kantur: Hallbera Guðný Gísladóttir

(Rakel Logadóttir inn á 71. mínútu)

Framherji: Margrét Lára Viðarsdóttir