Ronaldo tileinkaði fórnarlömbum flóðanna á Madeira mark sitt

Cristiano Ronaldo skoraði fyrsta mark Real Madrid í 6-2 sigrinum gegn Villarreal um helgina en hann fagnaði markinu á sérstakan máta.

Ronaldo lyfti keppnistreyju sinni upp og þá kom í ljós bolur með áletruninni „MADEIRA" en með þesssu vildi hann votta aðstandendum fórnarlamba flóðanna á portúgölsku eyjunni Madeira samúð sína.

Ronaldo fæddist í Funchal sem er höfuðborg eyjunnar Madeira en um það bil 40 manns hafa tapað lífi sínu í flóðunum síðustu daga og hundruðir misst heimili sín.