Valur batt enda á ótrúlega sigurgöngu Völsungs

Knattspyrnulið Völsungs frá Húsavík tapaði í dag sínum fyrsta leik í rúmt ár er það mætti Valsmönnum í Egilshöll. Valur vann leikinn, 2-1.

Völsungur komst yfir í leiknum en gaf síðan eftir og Valur tryggði sér sigur með marki á lokamínútu leiksins.

Völsungur var eina taplausa lið landsins á síðustu leiktíð og vann síðan Soccerade-mótið á dögunum en liðið fór einnig taplaust í gegnum það mót.

Völsungur er í æfingaferð í borginni og lagði HK, 2-0, í gærkvöldi. Sá leikur hefur eflaust setið eitthvað í liðinu í dag er það tapaði loksins leik.