Spilist hátt fyrir hámarks áhrif Trausti Júlíusson skrifar 3. september 2010 00:01 Okkar með hljómsveitinni Miri. Tónlist **** Okkar Miri Hljómsveitin Miri kemur frá Seyðisfirði. Hún var stofnuð árið 2003 og gerði sína fyrstu plötu, Fallegt þorp, tveimur árum síðar. Eins og á fyrri plötunni þá er tónlistin á þeirri nýju, Okkar, að langmestu leyti án söngs. Miri hefur vakið mikla athygli fyrir líflega og hressilega frammistöðu á tónleikum. Það má segja að stundum hafi gáskinn og fjörið í kynningum og sviðstilþrifum næstum skyggt á tónlistina. Það var þess vegna forvitnilegt að að setja plötuna í spilarann og heyra hvernig tónlistinni reiðir af án nærveru meðlimanna sjálfra. Það er kúnst að gera instrúmental rokkplötu. Þegar söngur og textar eru ekki lengur inni í myndinni reynir ennþá meira á lagasmíðarnar og hljóðfæraleikarana. Það eru nokkrar augljósar leiðir færar. Þar á meðal dramatísk innlifunarleið post-rokksins og leið proggaranna sem felst í flóknum lagasmíðum og fingraleikfimi. Báðar geta alveg virkað vel. Miri fer hins vegar aðra leið. Lögin níu á Okkar eru ekkert sérstaklega flókin, en þau eru snilldarlega samin og útsett þannig að platan er fjölbreytt og skemmtileg frá upphafi til enda. Gítarsamspilið er í aðalhlutverki, en þeir Miri-menn nota líka aukahljóðfæri eins og flautu, munnhörpu, lúðra og víbrafón til að gefa lögunum karakter. Aðallega eru það samt lagasmíðarnar sjálfar og útsetningarnar sem búa til góða plötu. Fyrstu tvö lögin Góða konan og Ég á heima á Íslandi eru bæði mjög melódísk, en það fyrra skartar líka skemmtilegri dub-meðferð á trommuleiknum. Í Sumarið 2009 er munnhörpuleikur Örvars í múm í forgrunni og í lögum eins og Grafandi Andra, dragandi anda og Drekar eru styrkbreytingar og stigmögnun í aðalhlutverki auk þess sem víbrafónleikur setur sterkan svip á það fyrrnefnda. Lokalagið Jeppar er svo kraftmikið kraumandi rokkgrúv sem nær hámarki þegar lagið brotnar upp með tilvísun í gítarklifið í Marquee Moon með Television. Magnað lag og fullkominn endir á flottri plötu. Enn er eftir að geta hljómburðarins á plötunni. Hann er í sérflokki og greinilegt að Curver sem stjórnaði upptökunum og sá um hljóðútsetningarnar hefur verið í stuði. Niðurstaða: Á heildina litið frábær plata. Ég verð að bæta því við að Okkar nýtur sín best á miklum styrk í góðum græjum. Hún datt ekki almennilega inn hjá mér fyrr en ég hækkaði vel í henni. Skilaboðin til íslenskra tónlistaráhugamanna eru þess vegna einföld: Kaupa Okkar og hækka í botn! Mest lesið Dauðlangar í kynlífsdúkku en óttast álit annarra Lífið Fagnar gagnrýni á „rasshausa-ummæli“ sín Lífið Maður geti þurft að díla við „konu sem er á túr“ og í vondu skapi Lífið Kynntust í Keflavík og gista saman í villu í Kenýa Ferðalög „Léleg“ hönnun gervigreindar reyndist mannanna verk Menning Enginn í joggingbuxum í París Lífið „Hættið að senda mér gervigreindarmyndbönd af pabba“ Bíó og sjónvarp Andri og Anne selja í Fossvogi Lífið Dreymir um að finna fólkið sem gaf hana frá sér Lífið Silja Rós og Magnús eiga von á dreng Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Tónlist **** Okkar Miri Hljómsveitin Miri kemur frá Seyðisfirði. Hún var stofnuð árið 2003 og gerði sína fyrstu plötu, Fallegt þorp, tveimur árum síðar. Eins og á fyrri plötunni þá er tónlistin á þeirri nýju, Okkar, að langmestu leyti án söngs. Miri hefur vakið mikla athygli fyrir líflega og hressilega frammistöðu á tónleikum. Það má segja að stundum hafi gáskinn og fjörið í kynningum og sviðstilþrifum næstum skyggt á tónlistina. Það var þess vegna forvitnilegt að að setja plötuna í spilarann og heyra hvernig tónlistinni reiðir af án nærveru meðlimanna sjálfra. Það er kúnst að gera instrúmental rokkplötu. Þegar söngur og textar eru ekki lengur inni í myndinni reynir ennþá meira á lagasmíðarnar og hljóðfæraleikarana. Það eru nokkrar augljósar leiðir færar. Þar á meðal dramatísk innlifunarleið post-rokksins og leið proggaranna sem felst í flóknum lagasmíðum og fingraleikfimi. Báðar geta alveg virkað vel. Miri fer hins vegar aðra leið. Lögin níu á Okkar eru ekkert sérstaklega flókin, en þau eru snilldarlega samin og útsett þannig að platan er fjölbreytt og skemmtileg frá upphafi til enda. Gítarsamspilið er í aðalhlutverki, en þeir Miri-menn nota líka aukahljóðfæri eins og flautu, munnhörpu, lúðra og víbrafón til að gefa lögunum karakter. Aðallega eru það samt lagasmíðarnar sjálfar og útsetningarnar sem búa til góða plötu. Fyrstu tvö lögin Góða konan og Ég á heima á Íslandi eru bæði mjög melódísk, en það fyrra skartar líka skemmtilegri dub-meðferð á trommuleiknum. Í Sumarið 2009 er munnhörpuleikur Örvars í múm í forgrunni og í lögum eins og Grafandi Andra, dragandi anda og Drekar eru styrkbreytingar og stigmögnun í aðalhlutverki auk þess sem víbrafónleikur setur sterkan svip á það fyrrnefnda. Lokalagið Jeppar er svo kraftmikið kraumandi rokkgrúv sem nær hámarki þegar lagið brotnar upp með tilvísun í gítarklifið í Marquee Moon með Television. Magnað lag og fullkominn endir á flottri plötu. Enn er eftir að geta hljómburðarins á plötunni. Hann er í sérflokki og greinilegt að Curver sem stjórnaði upptökunum og sá um hljóðútsetningarnar hefur verið í stuði. Niðurstaða: Á heildina litið frábær plata. Ég verð að bæta því við að Okkar nýtur sín best á miklum styrk í góðum græjum. Hún datt ekki almennilega inn hjá mér fyrr en ég hækkaði vel í henni. Skilaboðin til íslenskra tónlistaráhugamanna eru þess vegna einföld: Kaupa Okkar og hækka í botn!
Mest lesið Dauðlangar í kynlífsdúkku en óttast álit annarra Lífið Fagnar gagnrýni á „rasshausa-ummæli“ sín Lífið Maður geti þurft að díla við „konu sem er á túr“ og í vondu skapi Lífið Kynntust í Keflavík og gista saman í villu í Kenýa Ferðalög „Léleg“ hönnun gervigreindar reyndist mannanna verk Menning Enginn í joggingbuxum í París Lífið „Hættið að senda mér gervigreindarmyndbönd af pabba“ Bíó og sjónvarp Andri og Anne selja í Fossvogi Lífið Dreymir um að finna fólkið sem gaf hana frá sér Lífið Silja Rós og Magnús eiga von á dreng Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira