Fabregas kemur til Barca á endanum

Það er búið að loka bókinni í sögu Cesc Fabregas í sumar en Carles Pyuol, fyrirliði Barcelona, segir að þó svo Fabregas komi ekki til Barcelona í ár sé ekkert sem Arsenal geti gert til að koma í veg fyrir að hann fari heim á endanum.

"Margir leikmenn hefðu reynt að nýta sér fjölmiðlana og annað til þess að koma sér þangað sem þeir vilja en ekki Cesc. Hann hefur klassa og Arsenal ætti að sýna sama klassa á móti og leyfa honum að fara þangað sem hann vill fara. Hann hefur gert það mikið fyrir félagið," sagði PUyol.

"Hannn vill ekki bara fara í besta félag heims heldur er hann að koma heim. Hann hefur reynt allt til að vinna titil hjá Arsenal og þegar hann horfir á vini sína hjá Barcelona vinna marga titla er eðlilegt að hann vilji koma heim.

"Framtíð hans er í Barcelona og það er ekkert sem Arsenal getur gert við því."