Glæsivillan hans Laudrups til sölu

Fyrrum heimili knattspyrnugoðsagnarinnar Michaels Laudrups í Danmörku er nú til sölu.

Boðnar hafa verið 48 milljónir danskra króna í húsið. Upphæðin nemur um 960 milljónum íslenskra króna. Á danska viðskiptavefnum Börsen kemur fram að þetta tilboð þýði að húsið sé eitt af fimm verðmætustu íbúðarhúsunum í Danmörku.

Michaels Laudrup lét byggja húsið fyrir sig árið 1999. Laudrup er einn af þekktustu knattspyrnumönnum Danmerkur. Hann lék meðal annars bæði með spænsku liðunum Barcelona og Real Madrid.