Juventus ætlar að reyna að fá Dzeko næsta sumar

Forráðamenn ítalska úrvalsdeildarliðsins Juventus ætla sér að reyna að fá Edin Dzeko, leikmann Wolfsburg, næsta sumar fyrst það tókst ekki nú.

Dzeko var afar eftirsóttur í sumar og var Juventus eitt félaganna sem vildi fá hann í sínar raðir.

„Dzeko er einn sterkasti leikmaður Evrópu í dag," sagði Giuseppe Marotta, framkvæmdarstjóri Juventus við ítalska fjölmiðla. „Við vildum fá hann og reyndum allt sem við gátum til að fá hann í sumar. En Dieter Höness vildi alls ekki selja hann."

„Við munum reyna aftur en það læðist að mér sá grunur að hann muni á endanum spila með Bayern München."